పలకరించి చూడు!

పలకరించి చూడు!

ఓ మల్లి,

పరిమళించే పాట గొంతుక విప్పవచ్చు!

ఓ శిల,

జడత్వాన్ని విదిలించుకుని

జీవనాదాన్ని వినిపించవచ్చు!

ఓ చిన్నిగువ్వ,

ఖండాంతరాలను చుట్టివస్తూ

సాహసగాధలు పాడవచ్చు!

ఓ తార,

చీకటి కప్పి వేస్తున్నా,

నిర్భయంగా వెలిగే రహస్యాన్ని చెప్పవచ్చు!

ఓ హృదయం,

మోస్తున్న వ్యధను కరిగించుకు,

అశృ బిందువై తేలికపడి నవ్వవచ్చు!

మనసులను

చల్లగాలిలా స్పృశించేది కదా

ఓ మంచి మాట!

ఓ ఆత్మీయ మైన మాట కన్నా

మన దాహం తీర్చగల తీయని సంద్రాలెక్కడున్నాయి నేస్తం?

అందుకె స్వచ్ఛమైన వాన చినుకులా,

పలకరించి చూడు!

                                                                Vijaya Babu,Koganti

( Published in Navya, Telugu weekly22nd October 2008)